LI CARIZZI DI TINCHIUNI
Sti Tinchiuni era unu maritatu e avia na
muggheri ca la vulia beniri assai: nni
niscia foddi.
Si era assettata a la buffetta
chi manciava, s’avia a susiri, e si l’avia a
vasari; s’era assittatu a lu bancareddu (ca
iddu era scarparu), s’avia a susiri e cci
avia a ijri a dari na pocu di vasati; era lu
Zu Vasa-vasa.
Na nuttata cci vinni comu un sdilliniu; si
l’abbrazzò e ddocu strinci e vasa, strinci e
vasa.
La muggheri vidia ca lu maritu lu
facia pi forza d’amuri, e un cci dicia nenti.
Ma foru tanti li vasati, li carezzi e li
gattigghi ca a la muggheri cci mancò l’aria
e morsi accupata.
pi chissà si dici: Li
carezzi di Tinchiuni chi ammazzò la muggheri
a vasati.
Altri Racconti>
